中国语言地图集

《中国语言地图集》是中国社会科学院语言研究所同澳洲人文科學院合作，组织方言研究人员勒拉方言调查、资料整理分析个基础丄，1983年开始编制，1987年完成个中国各個地区言话使用分布情况个地图集。箇本书个主编是中国社会科学院语言研究所个李荣、熊正辉、张振兴。香港朗文（远东）出版公司勒拉1987年搭仔1991年出版过两趟，2012年个辰光由商务印书馆发行第二版。

书丄拢总有36幅四开彩色地图，每幅图边丄侪有详细个文字说明，提供人口统计、参考书目等资料。36幅图依次好分成A、B、C三组。A组图宏观描绘中国境内汉语方言搭仔少数民族言话个地域分布，B组图描绘汉语方言个分布情况，C组图描绘少数民族言话个分布情况。