上海黄金置地大厦

黄金置地大厦来勒中华人民共和国上海市浦东新区陆家嘴金融贸易区，是一栋烂尾楼。伊有41层楼，一开始由印尼籍华人王恒心旗下个上海王氏置业有限公司（後些来改名叫上海黄金置地有限公司）开发。1999年，王氏置业买着黄金置地大厦箇块地块。2004年1月份，黄金置地大厦开工。弗过开发商因为拖欠银行高额贷款、拖欠工程款，畀人告上法庭。2007年，建筑停工。2009年开始，上海黄金置地公司又跟大华银行、汇丰银行、新创机电工程有限公司咾啥个方面来勒合同丄打官司，项目一直停工。2018年，当局造仔堵墙，拿箇栋楼圈起来。