上海市江桥批发市场

上海市江桥批发市场

上海市江桥批发市场，通称江桥蔬菜批发市场，是上海市嘉定区真新街道个一座批发市场，门牌号是曹安公路1936号。江桥市场1994年造个，是菜篮子工程个一部分，2002年真如市场拆脱以後慢慢交兴盛起来哉，承担上海市60%以上个蔬菜批发交易，市商务委更表示伊来勒保障全市蔬菜供应丄“无可替代”。江桥批发市场卖个蔬菜绝大部分是其他省市生产个（通称“客菜”或“外地菜”），主要是从浙江、福建、山东、安徽、江苏省来个客菜。