上海丽都花园

丽都花园，貤叫丽都舞厅（英文：Lido Garden Ballroom ），来勒上海市静安区泰兴路北京西路路口，1920年代初造个，有几栋建筑。第一轮屋主是安徽程谨轩个长孙程贻泽。丽都花园里向有大型个游泳池、弹子房咾啥个游乐设施，是伊个辰光个海上第一豪宅。1930年代初，程霖生投机失败，拿箇批房子转卖畀镇海桕墅方家，必过方家直接转手拿房子租出去开丽都舞厅哉。

1949年中华人民共和国成立，丽都花园先后变成上海市静安区文化俱乐部、上海市政协文化俱乐部。1960年，市政协文化俱乐部从茂名南路58号搬到丽都花园个三层洋楼里向1977年12月份，第五届上海市政协机关搬到箇埭办公，伊个辰光门牌号是泰兴路306号。1978年10月份，市政协机关启用北京西路840号新门牌号。1985年，来勒丽都花园里向，用原先市政协大礼堂个地基造了只地上20层、地下1层个办公大楼，1987年造好以后市政协机关搬进去哉，还拿门牌号改成北京西路860号。