上海中国航海博物馆
中国航海博物馆来勒上海市浦东新区临港新城申港大道197号滴水湖边浪，是中国第一隻国家级个航海博物馆，也是中国规模最大、等级最高个综合性航海博物馆，收藏仔2万多件跟航海有关个物事。[1][2]
建设过程
[编辑]博物馆由中华人民共和国交通运输部搭上海市人民政府一道筹建。2005年7月份，中国举行郑和下西洋600周年纪念活动，决定造中国头一隻国家级航海博物馆[3]。2006年1月份进行工程奠基。2006年7月份，中华人民共和国国务院办公厅同意冠名叫“上海中国航海博物馆”。2009年9月份，博物馆土建工程完工。2010年7月5号，中国航海博物馆正式开馆。
主体建筑
[编辑]博物馆占地面积24830平方米，建筑面积46434平方米，室内展示面积21000平方米，室外展示面积6000平方米。整座建筑顶中心个造型是“白帆”，远看起来是白玉兰个样子，也像畀风吹起来个布篷。展区主体由意大利芬尼克、洛赛里搭热那亚航海博物馆设计人员组成个团队进行设计。[4]
社会捐赠
[编辑]博物馆个展品来源主要有国家划拨、博物馆购买、社会捐赠三种方式，保护资金有财政资金、社会捐赠两种方式。2007年，上海市人民政府通过《上海中国航海博物馆捐赠办法》，对捐赠财产的监管做仔规定，根据捐赠人个贡献情况，会得畀荣誉证书、拿名字刻勒捐赠碑上等方式进行奖励[5]。筹建个辰光，博物馆就开始接受企业搭个人个捐赠，比方讲20世纪30年代上海港码头上用个系缆桩、清朝海关航道图、中华民国个辰光英文版个交通部要求收回航道管理权个文件咾啥个[6][2]。
参考
[编辑]- ↑ 首个国家级航海博物馆落成. 财经网 (2010-07-02). 原始文档勒2016-03-04存档. 访问日脚2012-05-04.
- ↑ 2.0 2.1 中国航海博物馆举行最大规模捐赠仪式. 人民网 (2012-02-05). 原始文档勒2016-03-04存档. 访问日脚2012-05-04.
- ↑ 中国航海博物馆首页 < 新闻资讯 < 筹建历程. 中国航海博物馆. 原始文档勒2014-07-04存档. 访问日脚2012-05-04.
- ↑ 意大利建筑设计师中标中国国家航海博物馆展区设计. 国际建筑协会 (2012-02-24). 原始文档勒2012-09-15存档. 访问日脚2012-05-04.
- ↑ 上海市政府设立奖励机制鼓励社会捐赠航海展品. 新民网 (2007-09-28). 原始文档勒2016-03-04存档. 访问日脚2012-05-04.
- ↑ 上海中国航海博物馆（筹）举行首次捐赠仪式. 中国水运报 (2007-09-25). 原始文档勒2012-08-05存档. 访问日脚2012-05-04.
外部链接
[编辑]- 中国航海博物馆档案，存勒互联网档案馆当中。（2021年2月25号）
- 数字航海博物馆
- 上海中国航海博物馆捐赠办法