上海“11·15”特别重大火灾

从胶州大楼浪看烧起来个静安教师公寓，有消防车勒拉胶州路向上喷水。

火灾现场个地图
胶州路728号是烧脱个大楼

上海“11·15”特别重大火灾，官方叫伊上海市静安区胶州路公寓大楼“11·15”特别重大火灾事故，是2010年11月15号14点多，发生拉上海市静安区胶州路728号静安教师公寓大楼个一起特别重大火灾。据官方媒体报道，火灾拢总造成58人死脱，死个多是退休老师，还有71人受伤。

国务院调查组认定，箇趟事故个原因是电焊工人违章操作，尼龙安全网畀煝起来，加浪工程本身有非法分包搭安全监管缺失，是一桩好弗发生个事故。箇趟火灾造成直接经济损失1.58亿元人民币，拢总有54人喫到行政处分，28人畀追究刑事责任 。政府畀受灾居民全额补偿，也引发对高层建筑消防安全个思考。