三家分晋

三家分晋是指中国春秋末年，晋国畀拉韩、赵、魏三隻氏族大夫势力瓜分个事件。

春秋末期，范氏、中行氏两大夫灭脱，晋国六卿只剩智、赵、韩、魏四家。顶强个智氏向另外三家索地，终遭三家反击。前453年，晋阳之战，三家尽灭智氏宗族，瓜分其地。

前434年，晋哀公死脱，晋幽公即位。韩、赵、魏瓜分晋国剩余土地，只留绛搭曲沃两地畀拉晋幽公。从此韩、赵、魏合称“三晋”。齐相田盘有样学样，也让宗族担任齐国各重要城邑个大夫，並搭三晋互通使节。

周威烈王廿三年（前403年），周天子始封三家为诸侯国。司马光《资治通鉴》个记载就从隻事件开始：“周威烈王二十三年，初命晋大夫魏斯、赵籍、韩虔为诸侯……”，作为春秋搭战国个分界。周安王廿六年（前376年），韩、赵、魏废晋静公，拿晋公室剩余土地全部分脱。