七夕

出自维基百科,自由个百科全书
颐和园长廊上个彩绘:牛郎织女鹊桥会

七夕,亦叫乞巧节七巧节七姐诞,是华人地区搭东亚弗少国家个传统节日,来农历七月初七庆祝。

七夕节个形成搭民间流传个牛郎织女个故事有关,可以溯源到春秋战国时期。[1][2]箇辰光个七夕是为著祭祀牵牛星织女星汉朝以后,开始搭牛郎织女个故事联系出来,并且正式成为属于妇女个节日。[3][4]

来中国,七夕节畀商家视作商业促销个好机会,而传统习俗慢慢较失落。

节庆习俗[编辑]

老法头里女人个针黹技术是生产力个一部份,每逢七姐诞,会向七姐献祭,祈求自家能够心灵手巧,名为“乞巧”。其间结会彩楼,预备黄铜制成七孔针,用五色细线对月迎风穿针,穿进著称为得巧。[5][6]慢慢较七夕成为“囡儿节”。而古人正月搭八月、九月侪好乞巧,宋朝以后再有七夕乞巧。宋元时期,七夕乞巧节变得蛮隆重,有专门卖乞巧饰品个市场,称作乞巧市。

乞巧习俗后来演变成许愿,弗限于女性乞求巧手搭姻缘。农历七月七号也是魁星爷圣诞,求功名个读书人会祭拜魁星

华人地区[编辑]

主要是女性祭拜七姐,制作各种食品搭传统女红刺绣等,也会制作其他传统手工艺品如中国结剪纸等,作为祭拜七姐个祭品。

日本[编辑]

2009年日本平塚市个七夕节庙会

日本来明治维新之后就拿农历七月初七改成公历七月七号庆祝。阴历个七月初七畀称为“旧七夕”。

朝鲜半岛[编辑]

朝鲜半岛个风俗是老小用牛郎织女为素材写诗,另外也向北斗七星祈求长寿搭幸福。

参考文献[编辑]

  1. 诗经·小雅·大东》:跤彼织女,终日七襄。虽则七襄,不成服章;睨彼牵牛,不认服箱。
  2. 罗颀物源》:楚怀王初置七夕。
  3. 东汉应劭风俗通》:织女七夕当渡河,使鹊为侨。
  4. 西京杂记》:汉彩女常以七月七日穿七孔针于开襟楼,俱以习之。
  5. 荆楚岁时记》:七月七日,为牵牛织女聚会之夜。是夕,人家妇女结采缕,穿七孔针,或陈几筵酒脯瓜果于庭中以乞巧。有喜子网于瓜上。则以为符应。(喜子是一种小蜘蛛
  6. 东京梦华录》:妇女望月穿针,或以小蜘蛛安合子内,次日看之,若网圆正,谓之得巧。

外部链接[编辑]