复读机

中国某书店个复读机专柜

复读机，是一种好拿存拉磁带、CD咾啥个里向个声音存浪内置芯片里向，进行重复播放个机器，经常性用拉外文个听说方面个学习浪，是中国机电专家钟道隆少将发明个，箇隻专利无偿授权老百姓使用。

2001年，中华人民共和国信息产业部发布中华人民共和国行业标准SJ/T 11238-2001《语言复读机通用规范》，规范复读机个性能参数、安全性、电磁兼容性、环境适应性、可靠性咾啥个指标。

市场

复读机市场个发展正好碰着中国大陆外语教育个热潮。复读机最早勒拉1980年代末期出现，到1998年步步高进入市场前，市面高头只有几家牌子，年销量只有200万台出头。1999年开始，复读机销量像乘仔火箭一样，2002年达到1200—1500万台。

2017年，有记者勒拉重庆市进行统计，发现重庆市拿外文教材当中个磁带调乘光盘以後，新华书店个解放碑分店每個号头还是好卖出去上百台复读机。

梗

“复读机”箇個词勒拉中国大陆网络高头是只梗，指个是网络浪个人弗思考，直接拷贝前头人个言话个现象。2017年开始，更是出现“人类的本质就是复读机”箇种梗，表示大家大量重复特定言话个现象，就像是台复读机勒拉一刻弗停个重播相同个一句言话。