音乐

出自维基百科,自由个百科全书

音乐,是一种声音艺术。 音乐个定义现在还有蛮激烈个争议,弗过一般用可以一系列对于有声、呒声个辰光性个组织,而且含有弗同音阶个节奏旋律嗒着和声来解释。

比较来说,勒所有艺术类型里向,音乐是一种顶抽象个艺术。

音乐可以通过弗同个方式来体验,传统个方式个是到现场听音乐家个表演。现场音乐也能够从喇叭电视机来播放,该种方式更接近听录音嗒着看录像。有个辰光现场表演也可能跟一些事先做好个录音混合,比如DJ唱片做出个摩擦声。当然,也可以制作自己个音乐,通过歌唱,弹乐器或者作曲

耳聋个人也可以通过感觉自己个身体个震动来体验音乐,顶有名个聋个音乐家是贝多芬,其绝大部分著名个作品都是勒渠开始丧失听力后写个。

如果侬想学音乐个话,可以去上音乐课。音乐学是一个历史个科学,专门来研究音乐个广阔领域,里向包括音乐理论嗒着音乐历史。

音乐作为一门古老个艺术,各个文化也有独特个音乐系统,民族音乐学是一门勒该个领域为讨论对象个学科。

音乐个要素[编辑]

音乐个要素包括:

每首弗同个音乐都是主要由弗同个节奏旋律来分别个,该两种要素决定咧音乐个个性。由两个以上个乐器或两个以上个人共同演奏(演唱)个音乐,可以由和声协调组成复调音乐。每种乐器跟每个人声都有自该独特个音色,弗同音色个乐器组合形成独特个效果,安排该些乐器个组合叫配器。以上四种要素个不同组合就组成每首音乐独特个性格,让人勒聆听弗同音乐个辰光能够感受到欢快、悲伤、慷慨、振奋等各种情绪,能理解是哪个民族哪个地区个音乐,经常聆听音乐甚至可以从不同个音色里嗨听出是嗲人演唱个,是嗲个乐器勒演奏个。

音乐个功能[编辑]

音乐是一种符号,声音个符号,表达人个所思所想。是人家思想个载体之一。音乐是有目的个,是有内涵个,里嗨隐含得作曲家个生活体验,思想情怀。音乐从声波浪分析它介于噪音嗒频率弗变个纯音里嗨,勒效果浪讲它可以带拨人美个享受跟表达人个感情。

音乐是社会行为个一种形式,通过音乐人家可以互相交流情感跟生活体验。该勒歌曲里嗨该个作用表现得顶突出。

音乐理论[编辑]

古代伟大个音乐家个创作跟民歌个流行基本浪是凭借灵感产生个,后来个学者勒研究该些能流行多年个音乐,逐渐总结出理论,之后个音乐家就勒该些理论个指导浪进行创作。

音乐理论证明哪些音乐能拨大多数人接受,浪人感到悦耳。现代并结合物理声学个研究结果,使理论弗断发展完善。

弗过音乐理论现代音乐理论主要是勒西方古典音乐个基础浪发展个,有个辰光也面临弗法解释个现象。比方说如根据音乐理论,小二度音是顶弗和谐个和声,但中国琵琶里嗨有两根弦个主音却是二度音程;现代摇滚音乐根据音乐理论是顶弗和谐个噪声,却受到如此多人的欢迎。

音乐形式[编辑]

音乐主要有两种形式:人唱个声乐跟用乐器奏个器乐,不管是声乐或器乐都有许多种结合个方式,像独唱合唱对唱独奏、协奏,交响乐等。两者也可以混合,声乐用乐器伴奏,或勒器乐交响乐中混入人声等。

西方音乐[编辑]

主文章:西洋古典音乐

西方音乐主要指欧洲个音乐,由于欧洲历史上统治阶层比较重视音乐,因此许多音乐家都得到资助跟保护,发展出比较完善个音乐理论。现在西方个音乐理论勒全世界个音乐界占有主导地位,欧洲音乐界发展个记谱法跟作曲个程式得到世界个公认。

中国音乐[编辑]

主文章:中国音乐

中国古代音乐家个地位不高,没统治阶级对音乐个有效保护,所以虽然很早就发明记谱法,弗过许多有名个作品没能够流传下来,大部分流传下来个作品都是依靠民间艺人口传心授。弗过中国地域广阔,民族繁多,各地个民间音乐素材非常丰富。现代中国吸收得西方音乐个理论来整理古代个文献嗒得民间音乐,编写民族乐器个曲目,使中国音乐有得蛮大个发展。

中国音乐分类

其他地区音乐[编辑]

音乐是自从人类出现之后就伴随着人类个进化而发展个,因此世界各地都有自己独特个音乐形式跟乐器,虽然世界各地个音乐理论发育并弗平衡,弗过音乐风格各异,都有自己个发展道路。现代音乐广泛吸收得世界各地个音乐素材,各地个音乐对世界音乐个发展都有自该个贡献。

二十世纪中期以后个流行音乐[编辑]

主文章:流行音乐

二十世纪中期以后发展起来个流行音乐违背了古典音乐个理论,吸收得世界各地个地方音乐成分,强调群众参与,听众再也弗是静静聆听音乐个旁听者,而是热烈个参与者。音乐回归到原始个载歌载舞个形式,更能调动人家个情绪,因此受到年轻人个热烈欢迎,打破地域、民族、国界个限制,勒全世界广泛流行。

媒体跟技术[编辑]

作曲家创作个音乐可以通过几种媒体传播;最传统个是现场体验,作为观众或演奏者之一。现场音乐也可以通过喇叭电视或者因特网广播。有些音乐风格注重为表演而发音,有些则注重产生录音然后用于后期混响合成,它们从弗被“直播”。现场表演风格个音乐勒录制时也经常采用编辑个分离个功能以产生听起来比实际演出“更好”个效果。 由于引入了保护演奏者,作曲家,发行商跟制作人个法律,譬如美国个1992年家庭录制法案(Home Recording Act),以及英国1979年修订个用于保护文学跟艺术作品个Berne规范,录音跟现场演出也变得更易通过计算机,设备,跟因特网用一种通常称为音乐随选(music-on-demand)个形式获得。

勒很多文化里嗨,有些音乐个表演跟聆听没大咾个区别,因为现场每个人都以集体形式通过某种方式涉及到音乐活动里嗨来。勒工业化个国家,通过录制形式,譬如听音乐录音或是观看音乐录像,成得顶普遍个感受现场演出个形式,该种形式大致开始于20世纪中叶。

有个辰光,现场演出采用得预先录制个声音。例如,DJ可以使用唱片来制造刮碟效果,而有些20世纪个作品用独唱或独奏表演跟预制个磁带音乐同时进行。 计算机跟或多键盘乐器可以用来编程产生跟播放MIDI音乐。听众也可以通过卡拉OK成为演出者,这种形式拨日本人创造,它采用录像跟无声乐跟音轨,该咾演出者就可以将他家自该个声音加上去。

音乐教育[编辑]

音乐是初等教育个一个重要组成部分,是培养小人家艺术素养个有效工具,勒世界各地一般从幼儿园开始音乐教育都已经开始咧。勒中国,正规音乐教育持续到九年义务教育结束,即初中毕业。高中一般弗再有音乐课。

作为专业音乐人员一般要经过专门个高等音乐教育,弗过勒目前从事通俗歌曲跟流行音乐个专业人员,大多数都没经过音乐专门个高等教育,都是依靠自该个才能跟自学。

参考资料[编辑]

  • Harwood, Dane (1976). "Universals in Music: A Perspective from Cognitive Psychology", Ethnomusicology 20, no. 3:521-33.
  • Johnson, Julian (2002). Who Needs Classical Music?: Cultural Choice and Musical Value. Oxford University Press. ISBN 0-19-514681-6.
  • Kertz-Welzel, Alexandra. "Piano Improvisation Develops Musicianship." Orff-Echo XXXVII No. 1 (2004): 11-14.
  • Kertz-Welzel, Alexandra. "The Singing Muse: Three Centuries of Music Education in Germany." Journal of Historical Research in Music Education XXVI no. 1 (2004): 8-27.
  • Kertz-Welzel, Alexandra. "Didaktik of Music: A German Concept and its Comparison to American Music Pedagogy." International Journal of Music Education (Practice) 22 No. 3 (2004): 277-286.
  • Kertz-Welzel, Alexandra. "General Music Education in Germany Today: A Look at How Popular Music is Engaging Students." General Music Today 18 no. 2 (Winter 2005): 14-16.
  • Lee Yuan-Yuan (1979), An Amazing Discovery in Chinese Music, Chinese Music ISSN 0192-3749, 2, 16.
  • Lee Yuan-Yuan (1979), Follow-up on "An Amazing Discovery in Chinese Music", Chinese Music ISSN 0192-3749, 2, 39.
  • Lee Yuan-Yuan (1980), The Music of the Zenghou Zhong, Chinese Music ISSN 0192-3749, 3, 3.
  • Lee, Yuan-Yuan and Sinyan Shen (1999), Chinese Musical Instruments (Chinese Music Monograph Series), Chinese Music Society of North America Press, Chicago. ISBN 1-880464-03-9.
  • Molino, Jean (1975). "Fait musical et sémiologue de la musique", Musique en Jeu, no. 17:37-62.
  • Nattiez, Jean-Jacques (1987). Music and Discourse: Toward a Semiology of Music (Musicologie générale et sémiologue, 1987). Translated by Carolyn Abbate (1990). ISBN 0-691-02714-5.
  • Owen, Harold (2000). Music Theory Resource Book. Oxford University Press. ISBN 0-19-511539-2.
  • Shen, Sinyan (1987), Acoustics of Ancient Chinese Bells, Scientific American, 256, 94.
  • Shen, Sinyan (1990), The Acoustics of Wind Instruments – A Study in Resonator Design and Performance of Guanyue, Chinese Music ISSN 0192-3749, 13/4, 71.
  • Woodall, Laura and Brenda Ziembroski, (2002). Promoting Literacy Through Music.
维基共享资源里向寻得着搭该篇文章搭界个多媒体资源: