青霉素

来自 吴语维基百科
蹦到: 导航搜寻

青霉素是指分子里含有青霉烷、破坏细菌细胞壁並来拉细菌细胞繁殖期起杀菌作用个一类抗生素。青霉素是老常用个抗菌药。但每趟用之前侪要做皮试,以防过敏。1928年英國倫敦大學聖瑪莉醫學(现属伦敦帝国学院)院細菌學教授弗萊明来拉實驗室里發現青霉菌有得殺菌作用,1938年麻省理工学院个Chain、Howard Florey搭Norman Heatley領導个團隊提煉出來。弗萊明因此Chain、Florey共同獲得1945年諾貝爾生理學或醫學獎

作用特点[编辑]

青霉菌

青霉素类抗生素是β-内酰胺类抗生素中一大类抗生素个总称。由于β-内酰胺类作用于细菌个细胞壁,而人类细胞只有细胞膜呒没细胞壁,个咾对人类个毒性较小。除脱会得引起严重个过敏反应外,一般用量毒性不大明显。

天然个青霉素(青霉素G)不耐酸,个咾不好口服给药(后首有仔青霉素V)。不能耐受耐药菌株(譬方抗藥性金黃色葡萄球菌)所产生个β-内酰胺酶(后首有仔苯唑西林)。抗菌谱较狭,主要对革兰氏阳性菌有效,对革兰氏阴性杆菌无效(后首有仔阿莫西林、氨苄西林咾啥)。

分类[编辑]

  1. 青霉素G类。譬方青霉素G钾青霉素G钠长效西林咾啥。
  2. 耐酶青霉素。譬方苯唑西林新青Ⅱ号)、氯唑青霉素咾啥。
  3. 广谱青霉素。譬方氨苄西林羟氨苄青霉素咾啥。
  4. 抗绿脓杆菌个广谱青霉素。譬方羧苄青霉素氧哌嗪青霉素呋苄青霉素咾啥。
  5. 氮咪青霉素。譬方美西林匹美西林咾啥,其特点为较耐,对某些阴性杆菌(如:大肠杆菌克雷伯氏菌沙门氏菌)有效,但对绿脓杆菌效差。
Commons-logo.svg
维基共享资源里向寻得着搭该篇文章搭界个多媒体资源: