长风公园

上海 普陀 长风公园 银锄湖

长风公园，是20世纪五十年代造个一个大公园。来勒上海市普陀区个南面。老早是搭丽娃河联通个。现在有银锄湖、铁壁山等景观。每年还有交关游园会举办。是普陀区顶大个公园。

银锄湖

面积14.3万平方米个人工湖，勒拉公园中央。湖边有游船码头，好租电动游船、人力游船搭仔手划船，亦好乘大型游船。

铁臂山

挖银锄湖个辰光，挖出来个土堆起来个人造山。占地一万平方米，高26米，普陀区第一高个山。

长风海洋世界

长风海洋世界是长风公园里向一只邪气有名气个景点，1999年造个，面积有一万多平方米，勒拉公园里向银锄湖西岸湖底13米深个地方，是国内头一家主题海洋水族馆，亦是上海顶早造出个大型世界级水族馆。里向展出1500多种海洋生物，白鲸表演馆是上海最早个白鲸表演场所。游客好穿浪潜水衣跟鲨鱼一道游泳，同白鲸拍照片。2019年春天，白鲸表演馆里向2只白鲸离开长风海洋世界，搬到冰岛南部海岸赫马岛个Klettdvik海湾，也就是全球头一只白鲸自然水域保护区里向，其他个也有搬到海昌海洋公园个。