索契

来自 吴语维基百科
蹦到: 导航搜寻


索契(俄文:Сочи),是俄罗斯来勒黑海旁边个一个滨海城市,也是俄罗斯有名个度假中心。也是2014年冬季奥运会个举办城市。

地理[编辑]

Sochi Central NASA

索契地区来勒高加索山脉个北面,沿牢黑海,有几十公里长个地区侪是伊拉个管辖范围。根据弗同个划分标准,索契可以被堪称欧洲,或者亚洲城市。迭个地方维度来勒俄罗斯算顶低个,又加上来勒海边头,气候邪气适意,所以称为俄罗斯人格度假胜地。

气候[编辑]

索契是典型个亚热带湿润气候,全年个平均气温为18.4摄氏度。即便来勒顶冷个冬季,白天个气温也有10摄氏度左右。年平均降水量为1700厘米,因为气候条件好,迭个地方也成为俄罗斯极少个种植棕榈树个场所。

历史[编辑]

来勒古典辰光,迭个地方先后被本都斯基泰萨尔玛提亚人统治过,从6世纪到11世纪,又成为阿布哈兹王国个统治范围,基督教也来勒迭个辰光传播到此地。从12世纪开始,此地受到游牧民族个影响,先后被蒙古,突厥等民族统治,一直到1828年,此地成为俄罗斯帝国个一部分。

俄罗斯人个到来消除老早回教个影响,此地成为一个俄罗斯人格城市,到20世纪,此地成为苏联个度假胜地,斯大林每年侪要来索契度假,之后个苏联领导人也有迭个传统。到1990年代,苏联解体之后,传统个克里米亚度假地弗再归属俄罗斯,俄罗斯更加重视对索契个开发,叶利钦普京等首脑,侪欢喜来勒夏天来索契,让此地成为俄罗斯个夏季首都