汉服

来自 吴语维基百科
蹦到: 导航搜寻

漢服,即漢族傳統民族服飾、又稱漢衣冠、華夏衣冠、漢裝、華服、唐服、衣裳,根据皇汉个言论,是从黄帝开始到明帝国,以漢族(前身華夏族)個禮儀文化為基礎,通過歷代漢人王朝推崇周禮、敬天法地而形成個具有獨特華夏民族文化風貌性格、明顯區別於別個民族傳統服裝個服裝體系。

漢服是世界浪歷史頂長遠個民族服飾之一,是漢民族傳承五千多年個傳統民族服裝,以《詩經》、《尚書》、《周禮》、《禮記》、《易經》、《春秋》、各朝《與服志》搭經史子集為基礎繼承落來個禮儀文化,體現仔漢族千年不變個民族特色,並通過周禮搭中華法系影響仔整個漢字文化圈。日本、朝鮮、越南均曾頒布法律效仿華夏個冠服制度。

定义[编辑]

汉服是汉族个传统服装,又拿迭种服装称作汉衣冠、夏衣冠、汉装,之类。

汉服是中原地区帝国理所当然个国服,迭种衣裳个历史,可以追朔到传说当中轩辕氏个辰光。是中原个统治民族:汉族,通过伊拉个礼文化发展出来个独特衣裳体系。

漢服包括衣裳、首服、髮式、面飾、鞋履、配飾等共同組合個整體衣冠系統,濃縮仔華夏文化個紡織、蠟染、夾纈、錦繡等傑出工藝搭美學,傳承仔20多項中國國家級非物質文化遺產,體現仔錦繡中華個美譽,反映仔漢族個文化禮儀,漢文明個核心是禮儀文化,而服飾則為其禮儀文化直觀表達,正如孔子所著《易·繫辭傳》曰:「黃帝、堯、舜垂衣裳而天下治」。漢服個基本特徵是交領、右衽、繫帶、寬袖,又以盤領、圓領,紐子等為其有益補充.

中國歷史上有過交關卯數少數民族政權禁止漢服個時期,導致漢服傳統受到殘抑。唐代敦煌被吐蕃佔領,漢人被迫從夷俗,只好了祭祖個辰光才忍悲含恨穿上漢服,「遺衣整巾潛淚垂,誓心密定歸分記」,設法回歸唐朝。吐蕃漢人沿襲漢服保持民族氣節搭習俗,保持搭唐朝個聯繫。公元1129年,金朝政權下令禁民漢服,又令髡髮,弗如式者殺之。慢歇來海陵王首先寬鬆了政策:詔河南民,衣冠許從其便,到晏末結果反而是金人服飾漢化。清朝初期,滿族統治者執行剃髮易服政策,即所謂民間流傳嗰「留頭不留髪,留髪不留頭」,嚴厲禁止人民著漢服,殺脫無數拒絕剃髮易服者(如江陰八十日,揚州十日,嘉定三屠等等),漢服從漢人日常生活中慢慢較消失,不過並弗曾徹底滅絕,部分漢服仍以佛、道教僧侶服搭傳統戲個嗰戲服形式保留落來。當代,社會上重新出現仔復興漢服熱潮,希望透過復興漢服加強民眾認識自身中華傳統文化嗰重要性。

历史[编辑]

汉服是世界高头历史顶悠久个民族服饰之一。也是汉族传承五千多年个传统民族服装。从历史传说当中个夏朝开始,就通过独特个衣裳形态,影响到整个东亚地区。

日本朝鲜越南个民族服饰,按照迭个理论,也属于汉服个延伸。

特征[编辑]

復原的漢代交領襦裙
穿道袍的男子

汉服顶大个特点是交领右衽。交领,是上衣个前襟左右相交。中原地区古代个上衣侪是向右掩,拿右襟掩覆于内,称右衽),所以讲是右衽;古代东亚一些游牧民族上衣是向左掩,被伊拉叫做左衽。古代个孔子曾经认为,假使管仲弗曾尊王攘夷,中原人就会「被髮左衽」。[1]可见“右衽”这一特征对上古辰光中原人个重要性。

参考[编辑]

  1. 《论语·宪问》:“微管仲,吾其被发左衽矣。”

外部链接[编辑]

Commons-logo.svg
维基共享资源里向寻得着搭该篇文章搭界个多媒体资源: