曹杨新村街道

曹杨新村街道，是普陀区下头个一个行政单位，也是普陀区顶重要个范围。

曹杨新村是来勒1950年代发展起来个，迭个辰光新政权要修造一批工人新村，反应新社会个繁荣面貌。曹杨因为来勒来早个苏州河沿岸工业区旁边，就被选中，当做工人新村个模板。来勒五十年代初，曹阳一村修造起来，成为中国第一个工人新村。迭个新村社区个规划是参考苏联个方法弄个，新村里向有电影院、小学、初中、高中。还有公园、体育场、医院、图书馆、商店。真个叫做一应俱全。街道高头种植树木，真个有新社会个景象。

到七十年代，曹杨个新村基本完工，成为普陀区中心个重要社区。

到改革开放之后，曹杨新村弗断发展，修造新一批建筑物，比方讲：普陀区少年城、曹杨电影院、上海市地震局等，拿曹杨变成普陀区顶适意个居住小区。

现在，曹杨新村个人口还是以五十年之前迁过来个上海人为主，犯罪率低，社区环境好，是上海难得个住宅小区。