數學

来自 吴语维基百科
(从数学转戳到箇里)
蹦到: 导航搜寻

數學末,是一門關於數量結構空間搭仔改變個學問。

基礎個數學,咧垃世界上多數個場化,從蠻早個辰光開始,就有得交關人曉得,而且會得用哉。咧老早個埃及兩河流域搭仔老早個印度,第眼文明里向個文本,就曾顯示出來基本概念個進步。垃希臘乃,又拿到啦嚴密性。後頭末,數學過歇就會得有一個牢小個突破,直到16世紀附近個文藝復興以後,科學裡向有啦交關發現,其搭就促使大家對數學個理解,有本質性提高。

數學個言話[编辑]

我俚現在用個數學記號末,直到16世紀,才基本浪有一個雛形。老早個辰光,數學儕是用說話寫出來個。第個過程相當吃力,所以末箇歇數學個發展就比較慢。而對於剛剛接觸數學個人來講,現在個記號顛倒是比較吃力,雖然居種記號專業個人看著蠻適意。

數學個言話乃,對於剛剛學個人,還是一樁牢吃力個事體。比如講,平日講個“或者”啊,“僅”啊,第眼詞乃,勒數學裡向個意思就要精確一眼。而“開”啊,“連續”啊,會得有相當專業個意思,而且數學個術語裡向,還有得啥“同構”啊,“可積”啊第種詞。 ..

Commons-logo.svg
维基共享资源里向寻得着搭该篇文章搭界个多媒体资源: