广东梅大高速路面塌方灾害
广东梅大高速路面塌方灾害[1][注 1],指个是2024年5月1号凌晨2点10分左右,勒拉广东省梅州市大埔县梅龙高速公路(梅大高速段)K11.9茶阳路段发生个一起路面坍脱个事体。截至5月2号14点钟,事体造成23部车子落下去,48人死脱,30人受伤。
背景[编辑]
路段[编辑]
梅大高速是梅州市境内拿梅江区同大埔县连拉一道个高速公路[2]。箇趟事故发生个路段是梅大高速二期搭仔东延线,是2014年12月31号通车个,项目建设方搭仔运营方侪是广东交通集团下头个公司。
营运管理方广东大潮高速公路有限公司曾经涉及多起合同纠纷案[3]。
2023年4月1号,梅大高速也因为落大雨发生坍塌,箇段双向交通中断,呒啥人受伤咾啥个,到5月9号24点纔全线恢复通行[3]。
天气[编辑]
事故发生前几日天,广东持续遭受强降雨。当天,广东多地发出气象灾害预警信号。据统计,截止5月1号8点19分,全省拢总挂拉41個暴雨预警信号、48個雷雨大风预警信号、5個冰雹橙色预警信号[2]。
4月以来梅州出现多轮个强降雨,超越历史记录。4月1号到4月30号,大埔县降雨量628.2毫米,比常年平均228.4毫米多2.75倍[4]。据气象监测显示,4月30号8点钟到5月1号8点钟,梅州大埔县落暴雨,全县平均降雨量48.9毫米,最大降雨量66.1毫米[2]。
广东省交通运输厅官网勒拉4月30号发过条消息,讲持续性强降雨导致广东部分地区高速公路、普通国省道损伤脱哉[3]。
争议[编辑]
2024年5月4号,中甲联赛第9轮大连英博勒拉主场0:1输畀广州队。比赛结束以後,部分大连极端球迷对比赛结果搭仔判罚弗满意,勒拉李赛场内外堵牢、殴打广州队球员搭仔球迷,还勒拉网浪向称赞箇趟事故“死得好”“压死猴子”“塌死广东人”咾啥,进行地域歧视,引起公众关注。后续有球迷报警,警方受理箇桩事体,相关人员畀警察拉去关仔两日天。[5]
注释[编辑]
- ↑ 新华社5月1号用个是“事故”,5月2号改叫“灾害”
参考[编辑]
- ↑ "广东梅大高速路面塌方灾害已致36人死亡" (in zh). 新华网. 2024-05-02. Archived from the original on 2024-05-02. Retrieved 2024-05-07.
- ↑ 2.0 2.1 2.2 "广东梅大高速发生路面塌方事故 造成19人死亡" (in zh-hans). 中国新闻网. 2024-05-01. Archived from the original on 2024-05-02. Retrieved 2024-05-07.
- ↑ 3.0 3.1 3.2 戈振伟; 张熹珑 (2024-05-02). "广东梅大高速事故路段建成不到十年,运营方“大潮高速”涉多起合同纠纷案" (in zh-hans). 界面新闻. Archived from the original on 2024-05-02. Retrieved 2024-05-07.
- ↑ "梅州市长:4月以来全市平均累积雨量较常年同期偏多2.49倍" (in zh-hans). 观察者网. 2024-05-02.
- ↑ "部分极端大连球迷用高速事故攻击对手,广州球迷已报警" (in zh-hans). 懂球帝. 2024-05-06.