宋高宗

来自 吴语维基百科
蹦到: 导航搜寻
宋高宗

宋高宗(1107年—1187年),名字叫赵构,南宋个开国皇帝,宋徽宗个第九个伲子,宋钦宗个阿弟。原先畀封为“康王”。伊身板儿交关蓝衫,年轻个辰光好畀大弓拉得大开。高宗从当政年数、寿命等因素来讲,来搭中国历史高头都算长的。

历史[编辑]

靖康元年十一月份,高宗收着本腊书,高头说让伊熬稍去救汴京,但是金兵南下打落来以后,宗泽同伊讲,现在国家者个套乱,好过你留来格达。个么伊带了宋朝军民南渡,

建炎元年,高宗总算到了当时个杭州,该杭州原先是吴越国个国都,后手来畀宋朝灭了的,高宗就来搭格达当皇帝,再么把杭州个名字改成临安,但是要弄零清个是:当时个临安勿是京师,那个辰光不过是“行在”而已。真当个首都还是来搭汴京。建炎三年个辰光,高宗手底下两个将军造反,畀伊废了,原因么是前头高宗专门相信太监,而且巴结太监个人升官亦尽该容易,所以该两人熬不牢的。再么畀高宗唯一个亲生伢儿赵旉拥立起来当皇帝佬儿。者么一来么大家都晓得该事体不对的,连忙从各地回杭州勤王,总算畀该场事体平定了的,者个就是苗刘之乱

高宗皇帝当了交关年份,后手来还当了几年太上皇,伊自家没儿子,畀当时亲戚秀王赵偁窝里厢个二儿子收过来当养儿子,从此以后,赵家门个天下,又还畀太祖他们窝里厢的。接落来,伊同儿子关系尽该好。

高宗自家认为伊来搭学宋仁宗个从政风格,但是木老老人觉得高宗比较缩手缩脚,没用場,该两种意见还要分开来讲的。绍兴二十六年,高宗自家讲:同金国讲和个政策,是朕决断底,秦桧只得巴结一记而已。咋个好因为秦桧死了的,者个和议就作废了的啊?最近一段辰光,有些儿无知个老倌,造化乱说,迷惑老百姓,过分个还有假个诏书写出来,畀老底子冤枉个人昭雪的。同公家抬槓,吾骇亦骇死的!

特长[编辑]

宋高宗交关欢喜写字儿,伊自家还讲:吾个人多少年份落来,不是性命交关个辰光,手里厢支笔是含板不会得停落来的。高宗个画画儿个功夫还毛色招,伊爹徽宗皇帝就是蛮有名个画家,伊小辰光耳濡目染,自然还是学会的。《真草嵇康养生论书卷》是伊流传落来个作品。

在位年份[编辑]

1127年—1162年

年号[编辑]

建炎 1127年—1130年 绍兴 1131年—1162年

Commons-logo.svg
维基共享资源里向寻得着搭该篇文章搭界个多媒体资源: