安庆市

来自 吴语维基百科
蹦到: 导航搜寻

安庆市,是安徽省个一个地级市,位于长江北岸。辖区内有三个市辖区、八个县。

历史沿革[编辑]

安庆迭作为一个行政单位开始出现个辰光是比较晚个。来勒南宋绍兴十七年,才开始有“安庆军”迭个名号,到了1195年又改为“安庆府”。到1260年,安庆城才迁到现在个位置。从此之后一直到清末,安庆侪作为安庆府所在,明末之后,布政使开始驻扎在安庆,清朝辰光江南分省,安徽省省会又定在安庆,迭个一段辰光是安庆历史高头个黄金年代,安庆搭重庆、武昌、南京一道,是长江高头顶大个城市,也是一个航运中心。

太平天国让安庆元气大伤,之后安庆个省会地位又被合肥夺脱。现在安庆已经从老早个辉煌中跌落,成为一个典型个三线城市哉。

地理[编辑]

安庆个西面搭北面侪是大别山环绕,南面是滚滚长江,沿江稍许有一些平原。安庆属于亚热带季风气候,四季分明。但由于大山大河个关系,自然灾害也是弗少个。

经济[编辑]

农业是安庆大部分呢地区主要个经济来源。种植品种包括油料、棉花茶叶等。工业个发展比较缓慢,弗过近10年增长邪气快。第三产业虽然你来勒历史高头有辉煌个经历,但行政中心个搬迁搭长江商运衰退让安庆个商业并弗出挑。

教育[编辑]

安庆师范学院等高等学堂以及安庆一中等重点高中。

文化[编辑]

安庆文化是下江文化个一个重要组成部分,带有明显个南北夹杂特点。安庆地区个方言难以归类,虽然普遍认为伊拉讲个是下江官话,弗过近来学者认为更应该被归到黄孝片去。安庆是黄梅戏个重镇,建筑风格高头受徽州交关影响。