国际象棋

出自维基百科,自由个百科全书
国际象棋

国际象棋,又叫欧洲象棋或者西洋棋,是一种两家头对著个棋类游戏。棋盘由64只黑白相间个格子组成。黑白棋子各有16只。其中一只王、一只后、两只车、两只马、两只象搭仔八只兵,伊拉个走法侪勿一样。

历史[编辑]

一般认为国际象棋搭中国象棋一样,是来源于一种印度人个游戏——恰图兰卡(也叫印度象棋)。后首来伊传到其他国家,垃该各个地方产生新个规则。

两个圣殿骑士垃壗着棋,1283年。
两个圣殿骑士垃壗着棋,1283年。

规则[编辑]

国际象棋个棋盘是正方形个,里向有得32个黑格子搭仔32个白格子。每一局开始个辰光,侬面前右下角个格子一定要是白个。白棋里向个后要摆在白格子上,黑棋里向个后要摆在黑格子上。所有个棋子然后侪箇能摆好。

白方先开始着棋,然后两个人轮流着棋,每一步只好动一个棋子(唯一个例外是王车易位,一步里向可以同时移动王搭车)。如果一个格子里向已经有搭别个棋子,侬除非吃脱伊,否则就弗好着在箇一格里向。

如果一方垃该下一步就好吃脱对方个王,箇就叫做将军。畀吃个箇一方可以走一步来救场,要么拿攻击王个棋子吃脱,要么移动王,要么用其他棋子拿王挡牢。如果没办法,王就被将死,也就输脱仔箇场棋。

参见[编辑]


维基共享资源里向寻得着搭该篇文章搭界个多媒体资源: