喀山

出自维基百科,自由个百科全书

喀山(俄语拉丁化:Kazan'),是俄罗斯鞑靼斯坦共和国个首都搭最大个城市。按照俄罗斯2010年个人口调查,此地居民有1,143,600人,是俄罗斯第八大城市。喀山来勒俄罗斯个欧洲部分,地理位置好,正好挨牢伏尔加河卡赞卡河个交汇处。喀山个历史文化邪气丰富悠久,现在搭首都莫斯科、旧都圣彼得堡一道,属于俄罗斯仅有个三座A级历史文化城市。

历史[编辑]

得名[编辑]

“喀山”名稱来源弗是老明确,有种讲法是来自保加利亚语或者鞑靼语当中个一个词“qazan”,意思是锅炉或者大锅,另说可能源自鞑靼语当中个“qazğan”,是垄沟个意思。

民族更迭[编辑]

早期关于喀山个记录相当少,按照公认个观点,现在个喀山是来勒术赤国个辰光,鞑靼人来勒15世纪中浪建立个。

另外一种讲法认为喀山是突厥保加利亚人建立个,按照迭个理论,此地个创立辰光大概来勒11世纪13世纪中浪,

喀山顶古老个村庄是11世纪修造个喀山克里姆林宫。从11世纪开始,此地被伊斯兰化,成为回教地区。

1438年,喀山个统治者从金帐汗国独立出来,自家成立一个回教游牧国家,就是所谓个喀山汗國。喀山成为伊拉个首都。是一个纬度顶高个回教城市。搭其他回教城市一样,此地保持典型个内亚传统,巴扎是重要个商业中心,喀山人搭中亚个突厥人联系密切,经常到莫斯科去抓奴役,压迫俄罗斯人。

帝俄辰光[编辑]

1630年个喀山城

莫斯科大公伊凡四世称帝之后,新成立个俄罗斯沙皇国开始向压迫伊拉交关年数个回教开战。来勒俄罗斯人民个努力下,回教军队节节败退,来勒1552年喀山围困战后,伊凡雷帝亲自攻下此地,大量穆斯林被赐予应有个惩罚。

之后,俄国来勒此地派遣传教士,传播正教个福音,来勒之后个一百多年辰光内,有交关鞑靼人接受东正教,逐渐搭俄罗斯人融合,有一些人甚至成为俄罗斯后期个贵族。

1708年,喀山成为喀山省个中心。来勒彼得一世前往视察后,此地畀当成功里海舰队个造船中心。来勒19世纪开始个辰光,亚历山大一世建立喀山国立大学搭出版社。拿喀山当成俄罗斯东方学研究中心。1801年,古兰经首次来勒喀山印刷。喀山逐渐成长成一个工业中心,农民纷纷移民到此地,作为产业劳动力。1875年,马拉客车开始出现,1899年修造铁路,开始有有轨电车1905年俄国革命之后,喀山个回教文化开始复燃。

苏联辰光[编辑]

1917年时,喀山是十月革命个一个中心,二战辰光,喀山畀破坏严重,战后开始重建,并且成为苏联国防工业个中心,主要生产飞机坦克。来勒20世纪五十年代,喀山作为工业搭科技中心个地位进一步巩固。1979年,城市人口达到一百万。

当今[编辑]

夜里向个喀山

1991苏联解体之后,喀山重新成为鞑靼文化个中心,弗过也开始有分离倾向。

市民[编辑]

民族搭信仰[编辑]

此地个人口主要是俄罗斯人(48.8%)搭鞑靼人(47.5%),。第三大民族是楚瓦什人,还有乌克兰族阿塞拜疆族犹太人[1]逊尼派回教东正教是主要个信仰,

言话[编辑]

喀山克里姆林宫内的天使报喜大教堂,1561-62

鞑靼语俄罗斯语是喀山顶常使用个言话。除脱一些年纪大个鞑靼人之外,所有人侪会讲俄文。

参考资料[编辑]

  1. (RUS) НОВЫЙ ОБЛИК КАЗАНИ. 原始文档勒2007-03-01存档. 访问日脚2014-02-09.