厕所

来自 吴语维基百科
蹦到: 导航搜寻
波音747飞机肚里个厕所

厕所——是用來畀人屙屎屙尿个独立小屋间。部份廁所会有手紙供應,方便人痾完抹屁股

老式厕所[编辑]

农村地区个老式厕所,有“屙缸场”搭“便桶间”介两种,一般可以统称为“屙坑间”。

屙缸场个砌法是先搭一只大缸伏勒地壤里头做屙缸,缸口搭地壤介齐平,或者稍微高眼。接下来用一块长门板(或者用毛竹拼拢成板介样子)打横竖起安勒缸口正当中,用东西搭板固定。板第一要肯定比缸个直径长,否则翻进;第二上头该面要圆滑,因为该头要做屁股个。再用别样个木板搭缸口一边盖牢,该是踏脚板。然后搭上头打围墙,砌个小屋间,砌勒有踏脚板该半边个屙缸上头,该一是挡风挡雨,二是射辰光别人无没看见。人大便个辰光,就是脚骨安勒脚踏板上头,屁股坐勒“屙缸梃子”(就是该块打横竖起个板)上头,屁眼刚好来勒无没脚踏板个该边,通过地球引力,正好笃勒屙缸里向。屙缸梃子是固定不会动个,踏脚板可以活动,方便个辰光人脚骨安上头;踏脚板夺掉,格么料勺好搭屙缸里向去撩屙,好去浇菜格当。

便桶间比较简单,实际上是搭小屋间里头安只便桶,人坐勒便桶上头射尿射屙。

因为室内卫生间个普及,以及农业技术个变化,该种老式屙坑间,刚即越来越少。

新玩艺[编辑]

  1. 无水式便盆
  2. 卫生设备

参考条目[编辑]

  1. 公共廁所
  2. 私家廁所
  3. 化学厕所
  4. 化粪厕所
  5. 男廁所
  6. 女廁所
  7. 坐厕(坐坑)
  8. 蹲厕(蹲坑)
  9. 流动厕所——常见于大型活动个落场里向
Commons-logo.svg
维基共享资源里向寻得着搭该篇文章搭界个多媒体资源: