生肖

生肖（上海话分尖团：[sã][siɔ]，上海话弗分尖团：[sã][ɕiɔ]，崇明话：[sã][sɔ]）或属相是东亚地区个有星民族用得来代表年份搭人个出生年份个十二样忠牲。

中国个生肖

对汉族人来讲，包括(顺序)：鼠、牛、虎、兔、龙、蛇、马、羊、猴、鸡、狗、猪。

因为地支搭仔生肖侪有十二只，葛咾每个地支侪对应一个生肖。譬如讲子年个人属老虫(鼠)，丑年个人属牛咾啥。

本命年

生肖呢一个周期为12年。人个岁数等于12个倍数呢称为本命年。另外，由于地支个周期也是12年，搭仔“生肖”首尾完全对应，本命年也可以认为是“地支”个周期倍数。

• 推算：规则为依据农历推算。比方讲1956年为丙申年，到1968年（戊申年）搭1980年（庚申年）侪是本命年。搿三个年份均为“生肖”个猴年，依照干支纪年，搿三个年份分别为“丙申”、“戊申”搭仔“庚申”，其中“地支”部分侪是“申”。

具体个对应关系为：子鼠、丑牛、寅虎、卯兔、辰龙、巳蛇、午马、未羊、申猴、酉鸡、戌狗、亥猪

地支	子	丑	寅	卯	辰	巳	午	未	申	酉	戌	亥
生肖	鼠	牛	虎	兔	龙	蛇	马	羊	猴	鸡	狗	猪

生肖属是啥个个人一般勒渠个本命年，依各地风俗有勿同习惯搭仔禁忌，辟如讲：戴“红腰带”、“红手链”等要戴“红”个习俗，有些地区行佩戴相合生肖个饰物，外加一戴就是一年。台湾、香港个本命年搭仔正冲年出生个人有安太岁个习俗。

其它国家个生肖

印度也有十二生肖，渠个名称、顺序是：鼠、牛、狮、兔、龙、蛇、马、羊、猴、金翅鸟、狗、猪。据说，十二生肖本来是十二神将个坐骑。

越南个十二生肖里向，卯年对应个勿是兔年，而是猫年。除此以外，越南个生肖跟中国个生肖一式一样。

生肖记忆歌

老大吱一吱，老二好力气，老三名头大，老四钻柴罅，老五迫天边，老六倒路边，老七吃黄粱，老八白洋洋，老九猢狲人，老十应天鸣，十一放夜官，十二好上碗。