上海县

上海县 是元朝来勒1298年开始设置个一个县，县址来勒当今上海市区个黄浦区南面。1930年，上海县成为搭上海特别市平行个行政区，县治移到闵行，隶属江苏省。

规模

搭大部分书浪向个宣传弗一样，上海县弗是啥“小渔村”，来勒16世纪，上海就是东南地区有名气个城市哉。弘治辰光（1488年－1505年），上海县已经“人物之盛、财赋之多，盖可当江北数郡，蔚然为东南名邑。”，县治形成5条主要个街道：新衙巷、新路巷、薛巷、康衢巷、梅家巷，到嘉靖年间，县治的街坊已经增加到61个，形成纵横交错的道路网。上海地区商肆酒楼林立。到16世纪后期，上海进一步发展，有名个豫园就修造勒迭个辰光。

城墙搭河道

上海老早是没有城墙个，到嘉靖辰光，因为倭寇个侵扰，让上海个老百姓觉得有修造城墙个必要，到1553年，上海歌居民赶工，来勒2个月头之内拿椭圆形个上海城墙修造完毕，城墙全长4.5公里，高7米，开有6个城门，这当中，东朝黄浦江开3个城门：宝带门（俗名小东门）、朝宗门（大东门）、朝阳门（小南门），这3座城门搭西面的仪凤门（老西门）侪设有水门。城外开凿有宽约20米个护城河。城里向搭其他吴越地区个城市一样，河网密布，街道大多临河修造。县城内定重要个河道是直通大东门搭老西门个肇嘉浜，这条河浜东通黄浦江（在今外马路与复兴东路南面的白渡路口），西面可达松江府城。此外尚有方浜、薛家浜等。

名人

出生上海县个名人当中，顶顶有名个是明代个徐光启。