三体（电影）
《三体》，是从刘慈欣《三体》改编个中国科幻片。游族影业投资个，小说原作者刘慈欣作监制，游族影业原首席执行官孔二狗作总制片人，张番番作导演。箇部电影讲个是勒拉红岸基地人类文明头一趟向宇宙发出信号以后，开启地球文明同计划殖民地球个三体文明之间生存战争个故事[1]。
该电影到现在还呒没制作完成或者上映个消息。
制作[编辑]
筹备[编辑]
2009年，张番番用10万块人民币从刘慈欣手里向买断《三体》接下来5年个全部影视版权[2]。
2013年9月，张番番勒拉国家电影局立项《三体》电影，备案号头是“影剧备字[2013]第1424号”[3]。2014年8月26日，游族影业公司成立，宣布参加《三体》电影个拍摄[4]。
拍摄[编辑]
2015年3月18号，影片勒拉小兴安岭正式宣布开拍。张静初畀一星网友认为是叶文洁个最佳人选，箇条意见畀片方采纳[5]。
2015年4月22号，《三体》电影发布会勒拉北京召开，公布会得参加箇部电影个演员，譬如冯绍峰、吴刚、唐嫣、张翰、杜淳[6]。
2015年8月5号，三体官方宣布杀青，正式进入个后期制作阶段[7]。
后期制作[编辑]
2015年8月，根据新华网个报道，游族影业表示伊花脱2亿块人民币，勒拉特效部分厾个钞票莫落落，“创下国产片特效制作资金之最”[8]。
2015年11月13号，中共中央政治局委员、国家副主席李源潮勒拉上海调研。箇个辰光，伊视察游族网络，了解《三体》电影个拍摄情况，看了电影个粗剪片段[9]。游族内部员工讲，“领导们个评价实在不哪能”[4]，还有游族内部员工讲伊自家勒拉看脱电影拷贝以后感觉整個人侪弗好哉[4]。
2016年上半年，特效从新加坡个VHQ特效团队转变成中国上海个明迪传媒[10][11]。
2016年6月，有消息讲《三体》会得弗断拖延辰光，还讲孔二狗已经辞职，特效团队畀调脱，导演张番番拍个素材畀废脱[12]。呒没过几许辰光，电影个官方微博发表声明否认，回应一切顺利，讲后期特效个辰光拖是因为对作品质量个要求[13]。孔二狗也勒拉网浪向发文否认传言，讲只是因为预算推迟，“谣言自会不攻自破”[10]。新浪娱乐个调查讲，“想吐槽个游族员工人忒多哉”，游族影业个员工人数从高峰辰光个120人减少到30人[14]。参加看片会、有股东关系个陆川导演讲，“要畀创新者一個创新个空间，要宽容”[14]。
2019年，特效团队明迪传媒畀排拉失信被执行人个单子浪。[4]
2020年5月，孔二狗勒拉某個活动里向提到《三体》电影个进展，表示“三体有各种各样原因，我愿意承担一定个责任，我相信有一天伊会得面世，会得通过让大家惊喜方式个方式”[15]。
2020年12月，制片方游族影业董事长林奇畀三体宇宙公司CEO许圭毒煞[16][17][18]。
2017年开始，电影官方微博再呒没发过任何同电影制作相关个信息，只勒拉2019年电影《流浪地球》上映个辰光宣传过。
参考文献[编辑]
- ↑ 《三体》剧情简介 档案，存勒互联网档案馆当中。（2015年4月20号）. 时光网.
- ↑ 《三体》影视化之殇：作者10万卖版权，而今外来和尚要翻拍. 投中网 (2020-09-05).
- ↑ 备案公示查询结果. 原始文档勒2022-11-23存档. 访问日脚2023-02-16.
- ↑ 4.0 4.1 4.2 4.3 《三体》后传：中国最伟大科幻 IP 十年的商业流浪. 晚点团队 (2020-11-10).
- ↑ 科幻片《三体》东北开拍 张静初担纲女主. 新浪娱乐 (2015年3月18日).
- ↑ 《三体》电影正式定档 男一号将由冯绍峰担当 档案，存勒互联网档案馆当中。（2016年3月5号）. 网易新闻. 2015.4.22
- ↑ 三体杀青 (zh-cn) (2015-08-05). 访问日脚2015-08-07.
- ↑ 科幻电影《三体》宣告杀青 导演称高度还原小说. 新华网 (2015-08-05).
- ↑ 李源潮视察游族网络 了解《三体》电影拍摄情况 (2015-11-13).
- ↑ 10.0 10.1 《三体》最迟2017上映 孔二狗:因预算延迟 (2016-06-17).
- ↑ 【明迪独家】喜迎《三体》导演&视效总监，话《三体》，言视效。. 明迪传媒 (2016-05-19).
- ↑ 中国新闻网. "电影《三体》无限期推迟？ "三体人"特效已完成". Retrieved 2016-06-18.
- ↑ 网曝《三体》上映时间无限期推迟 官方回应一切顺利 (2016-06-17).
- ↑ 14.0 14.1 独家调查：揭《三体》延期背后的权力拉锯战.
- ↑ 刘慈欣《超新星纪元》改编电影10月开机 主演待定 (2020-05-21).
- ↑ 惨！身家68亿的董事长疑遭谋杀，39岁人生戛然而止！投毒原因曝光，手段极为狠毒 (2020-12-26).
- ↑ 游族网络：董事长林奇因病救治无效逝世 (2020-12-25).
- ↑ 《三体》全球IP梦和中国80后电子游戏大亨之死 (2021-01-04).