马赛（普罗旺斯语：Marselha， 法語：Marseille）是欧洲南面靠近地中海个一个城市。建城历史超过2000年，从古罗马辰光开始，就有城邦文明发展。16世纪此地畀法国吞并，之后成为普罗旺斯地区个中心搭法国统治范围内第二大城市（弗过因为大一统，规模搭发展侪远远落后巴黎)。到19世纪，此地成为法国殖民北非个统治中心，引入大量穆斯林定居，迭个趋势到阿尔及利亚独立之后愈发加剧。乃朝，马赛有120万人口，个当中，有三分之一是穆斯林，也是欧洲伊斯兰教比例顶顶高个城市。马赛城市北面个神灯区是地中海沿岸个贩毒中心，治安推板，经常发生抢劫事体，城市风貌也弗大灵光，立在游人当中，有脏乱差个口碑。
