醴陵市

湖南省醴陵市
别名	瓷城
地名出处	甜酒古井
概要
国家	中华人民共和国
上级行政区	湖南省株洲市
区划类别	县级市
建立辰光	东汉
相邻	江西省
乡级行政区数	30
- 街道数	4
方言	赣语
地理
总面积	2157平方千米平方公里
- 水域	5%平方公里
年平均气温	18度℃
人口帮经济
总人口（2012）	105万
其他
时区	东8区

醴陵市是一个来勒湖南省东部个城市，迭个城市坐落勒湘江支流渌水个中游，东面是罗霄山脉北段西沿，东界江西省萍乡市，北连浏阳市，南面试攸县，是长株潭地区个广义组成部分。简称醴。

得名

汉朝辰光，有人讲此地有陵墓，并且旁边有井，井水甘甜向醴（甜酒），所以得名。

历史

此地来勒秦帝国辰光，是临湘县范围内。西汉开始辰光，刘邦封过醴陵侯，东汉设立醴陵县。隋帝国开始辰光，畀长沙县并脱。唐武德四年（621年）重新拆分长沙县，设置醴陵县。到元朝，也有段辰光拿此地升级做醴陵州，明朝初年，因为朱元璋屠杀个关系，人家少脱交关，就拿州废脱，重新设县。1949年之后，长期归属湘潭专区。1959年，拿渌口镇、均坝乡、南阳桥乡、洲坪乡、漂沙井乡、鸿仙乡、姚家坝乡等地，并到株洲市郊区。1985年5月24日，国务院批准（国函[1985]76号）撤销醴陵县，设立县级醴陵市，拿老早醴陵县个行政区域作为醴陵市个行政区域。8月15日挂牌成立。现在，此地是地级株洲市代管个。

地理

• 醴陵市个位置，是湖南个顶顶东面，挨牢罗宵山脉北段西沿，湘江支流渌水流域。地貌中，山地、丘陵搭岗地是绝对主流，平原只有16%，水域占5%。境内小河浜邪气多，侪是湘江水系个分支。主要个河流有渌水、昭陵河搭涧江，水利资源大，蕴藏量有87462千瓦，地下水量有16.3亿立方米。 此地是典型个亚热带东南季风湿润气候。年均气温18℃上下，无霜期有305-279天，年平均日照辰光1588-1321小时，年平均降水量来勒1300至1600毫米之间。
• 目前发现个矿种有铀、金、银、铁、锰、铅、锌、煤、石灰石、瓷泥等廿三种，矿产地117处，其中大型矿床1处，中型矿床6个。
• 土壤成分是板页岩为主个，占47.8%；其他是红色粘土，占20.7%。植物资源邪气多，具备粮食作物、经济作物搭林木生长个良好自然条件。瓷土、陶土、耐火泥、石灰石、沙石等非金属矿产和铅、锌等金属矿产蕴藏丰富。

行政区划

• 现辖26个乡镇、4个街道、1个经济开发区、1个示范区，总面积2157平方公里，总人口105万。