蔡英文像
蔡英文，臺灣屏東紡山人，箇下是民主进步党个主席。1956年8月31号生勒屏東，同鄉多数叫伊「小英」。2012年参与中华民国总统角逐，弗过失败。2016年1月16号，第一趟当选中华民国总统。成为第一位当选中华民国总统个女性。伊自称要拿德国总理末苦厄当偶像。
蔡英文一般使用普通话发言。伊个英文能力听讲还可以，弗过台语邪气推板，自家个所谓母语客家话也弗大灵光。
蔡英文老早一直畀当成客家人，弗过，近年伊开始强调自家个原住民血统，讲自家有排湾族个血脉，立在2016年个总统就职典礼高头，还让排湾族个小人来唱歌为自家助兴。
