茴香脑

茴香脑，也喊龙蒿脑，室温辰光是液体，嘸沒顏色，容易揮發，化学名称叫「反式对烯丙基苯甲醚」。茴香个味道主要就是渠发出来个，包括甘草、八角茴香脱仔广玉兰花也是该能。罗勒脱龙蒿个味道帮渠也搭界。渠勒水裏向弗只有稍許溶，勒酒精裏向完全溶解。交佬茴香酒弗好摻水，一加水就渾脫。多數自然提取個茴香腦儕是反式個。

用場

香味道

渠有股甜味道，比蔗糖大概甜十三倍。關鍵渠哪怕擺來多了，也弗會得有怪味道，交佬經常仔拿來燒飯、做點心，外國也拿來做茴香酒。

化學合成

某些細菌可以拿渠合成別樣分子，多數儕有芳香味道，勒化妝品行業邪其重要。

醫療

勒了體外實驗當中，渠可以消滅某些細菌、黴菌脫真菌，但是也有一眼效果弗好。交關害蟲渠也可以殺。勒動物身體裏向，渠有雌激素個作用，拿小鼠個子宮變了邪大。