节度使是中国唐朝、五代辰光一种官。
节度使管理一个藩镇。藩镇包括几个州府，有辰光又讴方镇、军镇。节度使全权管理辖区里头个军事、民政、财政，权力蛮蛮大。
唐朝设置节度使本来是为防备边境战事，结果从755年范阳平卢河东三镇节度使安禄山造反开始，节度使越来越尾大弗脱，变成朝廷统一作长治久安个重大隐患哉。
907年，唐朝宣武军节度使朱温废唐自立，灭亡唐朝，建立后梁，开始得”五代十国“时期。
五代十国时期，节度使继续成为中原王朝统一个祸水。直到北宋宋太祖杯酒释兵权，才解决个问题。
