罗斯托克

汉萨城市罗斯托克（德语：Hansestadt Rostock）垃拉德国北部，人口接近二十万，是梅克伦堡-前波莫瑞州最大个城市。瓦尔诺河（Warnow）流经市区，拉瓦尔诺明德（Warnemünde，意为瓦尔诺河口）汇入波罗的海。公元600年左右，开始有斯拉夫部落拉瓦尔诺河下游定居，瓦尔诺河拉入海前约13公里处由窄变宽，早期居民称箇一景象为Roztoc，并以此命名渠个据点，箇也是今朝城市名称Rostock个起源。罗斯托克是德国拉波罗的海沿岸个三大港城之一，也是梅克伦堡-前波莫瑞州文化上搭经济上最重要个城市，主要经济部门包括造船业、海运业、旅游业搭服务业。海滨，港口，汉萨城市个历史，砖石哥特建筑，搭子建于1419年个古老个罗斯托克大学勾画出箇座城市个特色。罗斯托克个城市格言是“城内一致，众生康乐”（拉丁语：SIT INTRA TE CONCORDIA, ET PUBLICA FELICITAS）。