白庙区(英文: white chapel)是英国首都伦敦东面个一个区，也是塔村区域个组成部分。此地离查令十字有5.5公里距離。勒拉历史浪，迭个地方是伦敦码头区域个延伸，告咾嚜，也就有交关外来移民涌入个历史。勒拉19世纪压末阶段，箇𡍲成为犹太人勒伦敦顶顶大个社区。到第二趟世界大战之后，此地开始涌入交关回教孟加拉人。此地个砖巷也成为伊拉个聚集地。乃朝，白庙区一半橫裏个人口侪是南亚后裔，穆斯林人口比例勒伦敦算顶高个。东伦敦回庙也勒迭个区域里向。
