混沌理论

混沌理论（chaos theory）是关于非线性系统来拉一定参数条件下展现分岔、周期运动搭非周期运动相互纠缠，以至于通向某种非周期有序运动个理论。来拉耗散系统搭保守系统高头，混沌运动表现有所不同，前者有吸引子，后者呒没。

自然科学里讲个混沌运动指确定性系统中展示个一種类似随机个行为或者性态。确定性（deterministic）是指方程不含随机项个系统，也讴动力系统（dynamical system）。顶早个研究要追溯到19世纪个庞加莱，混沌之父。20世纪下半叶，混沌理论吸引著诸多领域学者个关注，洛伦兹、米歇尔·赫农、大卫·吕埃勒搭弗洛伊斯·塔肯斯、罗伯特·梅分别来拉气象、天文、流体、生物咾啥方面发现相关个现象。1964年，沙可夫斯基发现一隻定理，铁幕隔绝导致西方侪不晓得隻定理。1975年李天岩搭詹姆士·约克发表《周期三意味着混沌》重新发现渠。后首隻定理以沙可夫斯基命名，而李－约克命名著“混沌”。