波士顿倾茶事体

波士顿倾茶事体（英语：Boston Tea Party，原称The Destruction of the Tea in Boston），也称波士顿茶会事体、波士顿茶党事体，是1773年拉当时个英国殖民地麻省首府波士顿发生个一场政治抵抗运动，由殖民地个民间反抗组织“自由之子”领导并行动，反对英国政府拉殖民地征税并借此控制殖民地政府，搭仔反对英国东印度公司利用法案垄断北美个茶叶进口贸易。1773年12月16号，拉抗议个最后一天，亲英派总督哈钦森（Thomas Hutchinson）仍坚持拒绝遣返英国东印度公司个茶船，因此数十名或上百名自由之子成员趁夜色登船奈全部茶叶抛入海水毁掉。波士顿倾茶事体是美国革命进程中个关键事体。