斯特拉斯堡

斯脱拉斯堡（法文：Strasbourg 德文：Straßburg）是乃朝法国东面，挨牢莱茵河个一个城市。也是法国阿尔萨斯大区搭下莱茵省个首府。乃朝人口有27万，加上都市圈，有64万。是法国东部人口顶顶多个城市，也是法国十大城市之一。

立在历史浪，此地长期属于神圣罗马帝国。17世纪挨末阶段，路易十四吞并该地，弗过，该地依然保持自家立在文化高头个本地特色。著名文豪歌德，就是斯特拉斯堡大学毕业个。乃朝，此地有交关国际组织。比方讲欧洲委员会、欧洲人权法院、欧洲反贪局、欧洲军团搭欧洲议会。