宗教

出自维基百科,自由个百科全书
各种宗教个标志

宗教(拉丁文:Religio),是一套经过规范之后个对神明个信仰搭崇敬。宗教个形式多种多样,信奉个观念也各有千秋。乃朝,世界高头顶顶大个三大宗教是基督教佛教伊斯兰教。弗过假使按照人口来讲,则是印度教替代佛教,跻身三大宗教。宗教对人类个历史发展有决定性影响,乃朝世界各地个文明,基本浪侪受到自家宗教传统个塑造。立在一些国家,经过世俗化个过程,乃朝宗教对社会搭政治个干预已经下降。弗过,立在中东回教国家,宗教还是起到决定性作用。此外,一些老早宗教信仰弗强个场化,也出现宗教快速传播个现象。