国际米兰足球俱乐部

国际米兰足球俱乐部（Football Club Internazionale Milano）简称国米，是一家拉垃意大利米兰市个足球俱乐部，乃朝比赛拉意大利足球甲级联赛。

国际米兰个成立来自“米兰板球托足球俱乐部”（即现时个AC米兰）里个部分会员分流出来，其后成立国际米兰。球衣主要由蓝色搭黑色组成。因为俱乐部成立之初即向全世界个球员敞开大门，而弗仅限拉意大利球员，所以称渠为“国际”俱乐部。

国际米兰历史上共获18次顶级联赛冠军、7次意大利杯冠军、5次意大利超级杯冠军搭3次欧洲联赛冠军杯冠军。拉2010年，国际米兰连获意甲联赛、意大利杯搭欧洲联赛冠军杯三项冠军，成为意大利足球史上第一支也是唯一一支“三冠王”球队。此外，国际米兰也曾获得欧洲足协杯、洲际杯、世俱杯等国际赛事冠军。

国际米兰曾为“意甲七姐妹”之一，也托AC米兰搭尤文图斯两支球队并称「北方三强」。国际米兰搭AC米兰箇两支同样来自米兰个俱乐部之间个碰撞被称为「米兰德比」，搭来自侪灵个尤文图斯之间个对决则是「意大利德比」。国际米兰曾是G-14成员之一。

国际米兰从未降到次级联赛，是唯一一支参与了意大利甲级联赛所有赛季个球队。