刘裕（363年-422年），字德舆，小名寄奴。东晋晚期个武将，南朝宋个开国皇帝，伊个军事能力邪气结棍。
伊个祖籍是中原个彭城，来勒伊曾祖父个辰光，屋里往南面逃，来勒京口定居下来。老早屋里比较穷，当过樵夫搭农民。晋孝武帝辰光，参军。清朝有学者讲：“江左诸帝乃皆出自素族。宋武本丹徒京口里人，少时伐荻新洲，又尝负刁逵社钱被执，其寒贱可知也。”《宋书》卷一《武帝本纪》当中讲：刘裕乃“汉高帝弟楚元王交之后也”，并且列举从“交”到晋代个世系搭官位。弗过，这些世系搭官位来勒史书高头寻弗着任何旁证，所以王鸣盛讲：“皆未必可信。”[1]
