克里斯托弗·哥伦布

Retrato de hombre

阔烈涩波 哥伦布(西文：Cristóbal Colón， ？-1506年5月20号）是世界顶顶有名个航海家。出身15世纪当中阶段，立在15世纪挨末阶段活跃。伊是热那亚人，弗过为寻求自家个利益，到伊比利亚半岛效力，开始投靠葡萄牙国王，朆畀赏识，就改换门庭，投靠卡斯蒂亚搭阿拉贡。1492年，得到资助，前往伊自家讲个中国开展贸易，弗过，航行几个月，最后到达个是新大陆（具体看哥伦布发现美洲)。弗过，出于自家对中国个向往搭一厢情愿，伊自家弗承认发现个是新陆地，非要拿新大陆个土著，叫做印度人，这也是印第安人个由来。

发现美洲之后，哥伦布得到伊莎贝拉女王个褒奖，获得贵族头衔，并且许诺让伊统治新发现个土地。弗过，哥伦布弗是一个合格个管理人员，搭交关手下，土著侪发生矛盾，让西班牙个殖民事业差点失控，个能，就畀架空、撤换，丧失实际权力，回到西班牙养老去哉。