伊丽莎白·泰勒

伊丽莎白·泰勒女爵士（英语：Elizabeth Rosemond Taylor，DBE，1932年2月27号－2011年3月23号），英国搭美国著名电影演员，拉华人地区被享有“玉女”搭“玉婆”个称号。渠拉电影生涯得过两座奥斯卡最佳女主角奖，先后被金球奖、英国电影学院、搭美国电影学会颁发终身成就奖。渠亦因慈善事业获得奥斯卡人道精神奖搭受英女王颁发大英帝国勋章。1990年代来过台北参访，上过新闻两次，造成群众热烈欢迎。

泰勒拉1942年以10岁童星之姿出道，1950年代成功转型为成人女星，出演包括《巨人》搭《热皮屋顶上个猫》等代表作。1963年凭《埃及妖后》成为史上第一位百万美金片酬演员。1966年拉《灵欲春宵》获得了演艺生涯最好个评价，得到了第二座奥斯卡。1960年代末，泰勒个电影事业开始倒退，但渠仍出演弗少电影搭舞台剧。

1980年代开始，泰勒投身公益，为对抗艾滋病走遍政界，游说政客关注箇个疾病，并成立搭自家个艾滋病组织。泰勒生前个珠宝收藏堪比皇室，其中以伯顿个68卡拉个订婚戒最有名。泰勒亦是第一个有自家香水品牌个名人。

泰勒纵然扮演交关多精彩个角色，但渠个个人生活个戏剧性甚到比萤幕上个大。渠两次托有妇之夫有染：1958年个艾迪·费舍搭1962年个理查德·伯顿，令渠成为狗仔队追访对象，公众形象拉保守个50搭60年代两极化，但造就了渠极大个名气。渠一生结婚八次，两次是理查德·伯顿。渠性感个身材、精湛个演技、精彩个私生活、搭热心个慈善，被视为巨星个模范。