乔治·弗洛伊德之死引起个示威活动

乔治·弗洛伊德之死引起个示威活动是指从2020年5月26日开始，从美国明尼苏达州明尼阿波利斯蔓延至整个世界个一连串针对警察暴行搭警察种族主义个示威活动。 起因是一个非裔美国人乔治·弗洛伊德遭警察在马路上跪压造成伊憋死忒后，美国民众于5月26日了明尼阿波利斯举行和平示威抗议警察长期以来对待非裔族群手条子忒辣。但很快集会演变成大规模店铺抢掠及破坏行为，当地警察局负责控制应对。示威开头仅局限了明尼阿波利斯，但稍后几天里向快速扩散到整个美国各大城市乃至全世界。5月30日夜，至少12个主要城市宣布夜头实行宵禁。6月2日，有24个州长，以及华盛顿特区宣布动用国民警卫队，超过17,000人部队用来应对不断升高个局势。从示威活动开始起截至6月3日，整个美国少说阿有11,000人了该示威活动中遭警察捉牢。