三言

三言是明朝小说家冯梦龙编纂个三本文言短篇小说集《喻世明言》、《警世通言》跟《醒世恒言》个合称。常常与凌蒙初个两部小说集「二拍」摆勒一道叫做「三言二拍」。

「三言」个每本书里收录四十卷小说，也就是四十篇，所以总共收小说一百二十篇。每一篇都是冯梦龙从大量古代跟当时个通俗小说当中「抽其可以嘉惠里耳者」，精选出来个题材。其中多数是宋元明话本当中个艺术佳作，勒历代被读者称誉。小说家凌蒙初勒伊作个《拍案惊奇•序》当中指出：「独龙子犹氏所辑（喻世）等诸言，颇存雅道，时着良规，一破今时陋习。而宋元旧种，亦被搜括殆尽。肆中人见其行世颇捷，意余当别有秘本，图出而衡之。不知一二遗者，皆其沟中之断芜，略不足陈已。」

三言本来计划是拿《古今小说》作为总书名，所以当中第一部书《喻世明言》初版个天许斋刻本就起名叫做《古今小说》，而且勒书个扉页上个题识中讲「本斋购得古今名人演义一百二十种，现已三分之一为初刻云」，而且在目录前头也有「古今小说一刻」个字，说明《古今小说》最初是计划作为个几本小说集个总书名。但个套书个二刻、三刻出版时都有了各自个名称《警世通言》跟《醒世恒言》，等到一刻《古今小说》再版辰光标题就改成功《喻世明言》，所以《[[:zh:古今小说|古今小说》现在只是《喻世明言》个别称。

后首来，因为三言二拍加起来一共有好几本蛮厚个书，篇幅太大，有位叫抱瓮老人个人就拿三言二拍当中个故事捡出伊觉得顶好个来编成了小说集《今古奇观》。