Wikipedia:分类

出自维基百科,自由个百科全书
(从Wikipedia:页面分类转戳到箇里)

维基百科个页面侪应该有合适个分类。添加分类个办法是写上相应个分类链接,位置一般性摆勒页面个最底下,譬如说写[[Category:英国]]就好拿该只页面加进Category:英国。使用可视化编辑器或者HotCat可以比较方便个增删分类。

决定一篇文章属于啰里些分类,需要一点经验。先看看别样闲话版本个分类,再翻翻吴语维基百科乃朝有个分类;实在寻弗着合适个,就自家新建一只。

分类页[编辑]

维基百科个全部分类构成仔树状结构。除脱树根以外,所有个分类页侪要属于至少一只上级分类。

分类个存在,方便读者搭仔编者寻同样主题个文章。只有一篇文章个分类是呒不啥用个,可以考虑拿箇篇文章移到上一级分类。

弗要拿一只分类重定向到另外只分类,介样做弗会让两只分类里个物事显示勒一道。如果出现同质异名个多只分类,拿里向个页面亨八冷打合并到一只分类里,别名分类让管理员快速删除就好。

要改动一只分类个名字,分类里向个全部页面侪要手动改,链接到新个名字。如果移动仔一只分类,箇么要麻烦侬拿旧个名字交畀管理员快速删除。