Wikipedia:拆烂污
外观
![]() | 迭页简单来讲:拆烂污、搞破坏个要吃查封搭禁制个。 |
拆烂污,貤叫破坏,特指故意损坏维基百科核心原则个做法。具体可以是删脱适合维基百科个内容、添加或修改内容个辰光完全无视内容指引、添加弗相关个内容、随随便便清空页面、瞎七搭八、瞎移动页面咾啥个呒没轻重个编辑行为。随便大量建立、注册账号亦好算拆烂污。
维基百科绝弗允许任何拆烂污。来勒维基百科浪拆烂污个要吃查封搭禁制个。维基人好先尝试警告或教育破坏人,也好直接让WP:管理员拿伊封脱。
弗论编辑是因为畀其他人误导还是弗认同共识咾打编辑战咾,善意改进维基百科个编辑侪好弗算破坏个。维基人要注意分清爽啥编辑才是真正个拆烂污。除开编者明显蓄意损害维基百科个情况,弗应该算“拆烂污”/“破坏”。