User talk:淘漿糊個小干兒

欢迎来到吴语维基百科！

维基百科是靠著万千搭侬一样个人建立出来个。欢迎侬为维基百科做出贡献，弗管是修旧文，还是开新篇。

开始编辑以前，希望侬注意下头几点：

• 用自家个闲话书写，尊重别人家个版权。从别𡍲抄得来或者翻译得来个物事会畀删脱个。但必过，可以从其他闲话个维基百科翻译文章。
• 吴语书写方法见Help:用词指南，也好参考吴语协会个常用北部吴语书面汉字。
• 文章写好著加上分类。吴语维基分类弗多，侬好从顶分类往下底寻合适个分类，有必要个辰光自家创建一个。
• 如果侬弗晓得个说话，看看哪亨输入间隔号。
• 有问题个说话，欢迎侬搭其他编者讨论，发言过后请用四个波浪线符号~~~~签名。

祝侬编辑愉快。--Jason2016426（讲张） 2025年1月8号 (三) 12:52 (CST)

关于侬写个2025年陝西浦城抗議条目

箇只条目有下头箇些问题，我直接箇埭问侬好嘞，反正侪是侬写个。

1. 箇桩事体到底发生勒啥户荡？到底是浦城县还是蒲城县？
2. 标点符号个错误严重得唻赛过呒没上过小学，哪能侪用个是英文个标点符号。
3. 全文为咾表现出自家所谓个“中立”，拿只反中共个平台讲成“親政府平臺”，箇符合事实哇？

箇些问题箇两天弗解决脱么，我要拿箇篇文章厾去Wikipedia:页面存废讨论哉。--Jason2016426（讲张） 2025年1月8号 (三) 13:02 (CST)

倷好！首先謝謝倷個意見！

1. “浦城”是我個筆誤。我去改脫。
2. 我寫個辰光朆設置好輸入法，現在好則。我也去改脫。頭一趟編輯吳語維基百科，經驗弗足，請倷原諒。
3. “親政府平臺”是微博，弗是中國數字時代。是我朆寫清爽。

哀點問題我儕好解決脫個。Wikipedia:删除准则里向寫，“应该尽量保留所有合乎百科全书目标个页面，删除应该是最后个选择。”希望伲好一淘改進哀個條目，而弗是現在就去提交存廢討論。

謝謝倷！--淘漿糊個小干兒（讲张） 2025年1月8号 (三) 21:35 (CST)

用词还是有眼问题，我先按照来源改脱部分，外加Help:用词指南推荐看看，箇能弗会得出现用普通言话同音字写个情况。

比方讲开头个“特下去死脫”个“特”是啥？“推”咯“落”咯“摜”咯“厾”咯还是“跌”？

（wuuwiki人少，言话多了眼，覅见外，有啥言话直接讲）--Jason2016426（讲张） 2025年1月9号 (四) 14:15 (CST)

好個，我去看看Help:用词指南。應該是“落”。吳語學堂里向有“特”個解釋。我弗清爽搿個字是阿是Help:用词指南#同音假借。--淘漿糊個小干兒（讲张） 2025年1月9号 (四) 21:23 (CST)

也弗清爽

要么侬WP:红茶坊里问问--Jason2016426（讲张） 2025年1月9号 (四) 22:50 (CST)

外加发现有连词重复写个情况（我哪能跟侬聊我停弗下来个）--Jason2016426（讲张） 2025年1月9号 (四) 14:23 (CST)

請教倷一個問題：吳語維基納哼改條目個標題？哀個條目個標題應該是“2025年陝西蒲城抗議”。我朆看見吳語維基Help:目录里向有關改標題個幫助。假如倷好教我納哼做，我會弗甚感謝。淘漿糊個小干兒（讲张） 2025年1月8号 (三) 22:05 (CST)

呒没啥。侬改进仔么就弗需要删脱哉。

具体移动么管理员、回退员好做个。--Jason2016426（讲张） 2025年1月9号 (四) 11:19 (CST)

我曉得則，謝謝倷！--淘漿糊個小干兒（讲张） 2025年1月9号 (四) 21:12 (CST)