Template:Feature/7

出自维基百科,自由个百科全书
跳到导航 跳到搜索
月饼

中秋节,也叫“仲秋节”,因为辰光正好勒拉八月半,秋天头个当中心里。

中秋有好星来头,有交关传说搭仔神话故事勒拉民间流传。有名个像:嫦娥奔月朱元璋月饼起义、唐明皇游月宫也啥。

八月半吃个物事,当然是月饼。月饼一起先是用得来斋月神个,后来子逐点逐点拿赏亮月搭仔吃月饼,作为团圆个象征,慢慢较月饼也就变成功过节礼品哉。月饼象征团圆,是中秋佳节板定要喫个。勒拉中秋节个夜来头,还要喫点团圆个水果像西瓜也啥,祝福屋里向人、亲眷生活美满、适意、平安。

月饼发展到今朝,品种多来些,风味因地而异。里向京式、苏式、广式、潮式等相当有特色,拨拉广大老百姓欢喜。