Template:Feature/3

出自维基百科,自由个百科全书
跳到导航 跳到搜索
徐家汇商业区

徐家汇是来勒上海徐汇区个高知名度地区搭商业中心,泛指北到广元路,东到宛平路、宛平南路,西到宜山北路,南到南丹路搭仔斜土路个地段。渠是上海个四大副中心交十大商圈之一。

徐家汇个形成好上溯到明代。晚明科学家徐光启曾勒箇𡍲建农庄别业,从事农业实验并著书立说,过辈后就埋勒𡍲。伊个后代勒此地繁衍生息,暴开始叫“徐家库”,慢慢较成为集镇。其地处蒲汇塘、肇嘉浜搭李漎泾三水汇合处,又因徐氏家族汇居于此,乃末勒康熙年間得名徐家汇。

徐家汇是上海天主教发源地。1842年天主教耶稣会重新来华后,勒1847年选中徐家汇建立江南传教区个总部。乃朝看见个哥特式大教堂来勒1910年建成,箇辰光畀称为远东第一天主教堂。教堂钟楼高50多米,勒1920年代以前是上海顶高个建筑物。

乃朝个徐家汇商圈,弗单是一个高楼大厦鳞次栉比,人来人往交关闹猛个城市主要副中心,也是休闲娱乐、宗教活动、美食林立、白领办公搭观光旅游个主要场许。