浙东运河，也叫杭甬运河，是浙江省条运河，西起杭州市滨江区西兴街道，跨过曹娥江，经过绍兴市，东到宁波市镇海区甬江入海口，全长239公里。运河顶顶早凿个部分是勒拉绍兴市个山阴故水道，春秋时期开始造个。西晋个辰光，会稽内史贺循主持开挖西兴运河，后些来跟曹娥江东面个运河连起来，形成西起钱塘江，东到东海个只运河，一向是重要个航运河道。2002年，浙东运河全线进行改造，到2013年年末通航。东西走向个浙东运河也穿过交关河浜，人造仔交交关关碶闸搭仔堰坝设施，跟介多个、各式各样个桥一道是浙东运河个特色。2013年5月份，浙东运河排进第七批全国重点文物保护单位里向。
