札幌市是垃拉日本北海道道央地区个城市，是一座政令指定都市，有得超过190万人口，是日本人口第五多个城市。札幌市是北海道首府搭仔石狩振兴局本部所在地，还是北海道顶大城市、政治、经济、交通中心。札幌市个历史好追溯到1869年日本设立开拓使个辰光勒拉箇面设置个札幌本府，1972年承办过亚洲头一趟冬季奥运会。
“札幌”箇個地名是从北海道原住民阿伊努族个闲话阿伊努语来个，有四种讲法：有讲是来自阿伊努语个「sat-poro」（经常干燥/干燥貤广阔）、「sat-poro-pet」（干脱个大江）、「sar-poro-pet」（有大片芦苇个河浜）或者「sat-cep-poro」（老多晒干个鲑鱼）咾啥个。
