LovePlus

《LovePlus》（日本闲话：ラブプラス，拉中国民间也翻译成爱相随），是2009年9月3号科乐美数位娱乐勒拉日本发售个任天堂DS平台恋爱模拟游戏。广告标语是“国民个女朋友出道”（国民的G・F（ガールフレンド） デビュー!!）。

2010年6月24号，拉日本发售续作《LovePlus+》，广告标语是“日本全国LOVEPLUS现象（祭典）”（日本全国ラブプラス現象（まつり）!!）。

哪能孛相

搭以前个目的是得着对方告白个恋爱模拟游戏（比方讲科乐美个《心跳回忆系列》）弗同，《Loveplus》顶大个特征是关注告白好变成功情侣之后个发展。告白之后个“情侣模式”（恋人モード）用着DS内建个时钟功能，会得配合现实个时间咾季节，同时展开永久持续个“恋爱生活”。登场个脚色，有得“文武双全大小姐”、“傲娇”、“温厚”、“长辈、晚辈设定”咾啥各式弗同个性格。里向脚色个衣裳有400多种，各种事件更加是有超过4000隻。

系统上活用仔DS个触控面版咾麦克风，勒拉约会个辰光好亲密接触，或者是搭女子实际对话。另外还有通过无线通讯个记录资料交换功能，监制石原明广也讲到：“下趟假使有后续作品展开个闲话，望游戏资料好继承落去。”

故事

主人公搬到十羽野市，碰着仔私立十羽野高中个3个女小人。渠拉一淘体验學堂生活趣事，慢慢叫建立起良好關係，弗晓得会得走向哪能样子个未來。

主要脚色

主人公（玩家）　聲優：无得

轉學進入十羽野高中个两年級學生子。就讀之后参加網球社、当圖書委員，还打工。

拉遊戲开始辰光好選第一人稱「俺」或者「僕」。

高岭爱花（高嶺 愛花/たかね まなか）　聲優：早见沙织

網球社个高中2年級学生子。屋里向开診所，爹爹是醫生，姆妈以前是護士，自家是文武雙全个大小姐。雖然是網球社女子部个王牌，但是個性過度拘謹咾无得办法搭身边人打成一片。

相信喫烤山芋。歡喜福爾摩斯，有辰光會得呌主人公華生。

小早川凛子（小早川 凛子/こばやかわ りんこ）　聲優：丹下樱

丹下樱正式复出声优个头一只作品搭角色。声优自家交关欢喜箇隻角色，勒拉部落格丄也刊载歇自家畫个凛子个畫。還講自家勒拉遊戲裏向是搭凛子軋朋友个。

相信喫薯片。比主人公低一年級，但是勒拉图书委员会裏向是前辈个身份。

姊崎宁宁（姉ヶ崎 寧々/あねがさき ねね）　聲優：皆口裕子

开发早期辰光设定成大学生，后首来改成高中3年级学生子，会得化淡妆。右眼有颗泪痣。

相信喉糖。有眼天然呆个性格，甚至会得想畀肚皮饿个众牲喫喉糖。相信看恐怖片，会特为子看好几遍。